Mentorimet

Pas përfundimit me sukses të fazës së minikonkurseve dhe shpalljes së fituesëve, stafi i inTirana do të identifikojë sfidat dhe mangësitë kryesore që fituesit kanë paraqitur në secilën nga prezantimet e tyre.  Fituesit e mini-konkurseve do të kalojnë përmes një procesi inkubimi dhe trajnimi i cili do të zhvillohet në bashkëpunim me mentorë dhe profesionistë të fushës së sipërmarrjes dhe TIK.

Aktuliasht ka mbaruar mentorimi me të gjitha grupet fituese në të cilën mentorët kanë dhënë propozimet e tyre në lidhje me ndryshimet e mundshme që mund të pësojnë idetë, thellimi i tyre në aspektin financiar dhe atë të marketingut si dhe formimi i ekipit. Seanca e dytë do të zhvillohet në fillim të muajit Maj, pasi grupet të kenë reflektuar ndryshimet në prezantimet e tyre. Gjatë seancës së dytë do të jepen edhe udhëzimet e fundit në lidhje me prezantimin dhe formatin që do të përzgjidhet.

Në fund të këshillimit/trajnimi ekipet do të kenë përfituar jo vetëm aftësimin personal në teknologji dhe sipërmarrje, por edhe do të kenë përgatitur idenë e tyre per konkursin Start-up i cili do të mbahet në fund të muajit Maj.