Grupet e përzgjedhura nga fazat e mëparshme si dhe të mentoruara/këshilluara/trajnuara do të konkurrojnë në një konkurs të hapur për Startup.
Konkursi për start-up do të jetë një event në të cilin do të marrin pjesë edhe të rinj të kryeqytetit dhe do të konkurojnë me ide në fusha të ndryshme si teknologjia, inovacioni, sipërmarrja etj.
Programi është një mundësi shumë e mirë për të gjithë ata që duan të njohin më shumë botën e Startup dhe si funksionon ajo. Aktiviteti synon promovimin e inovacionit dhe sipërmarrjes tek të rinjtë pa marrë parasysh nëse janë pjesë e një biznesi dhe nëse fusha e tyre e ekspertizës është në teknologji dhe sipërmarrje, duke krijuar kështu një komunitet lokal të mendjeve sipërmarrëse dhe influencuesve të start-up për të mbështetur njëri-tjetrin dhe për t’u rritur së bashku, duke marrë reagime nga mentorët, për të prezantuar më pas përpara sipërmarrësve më të mirë dhe për të punuar së bashku në bizneset e së nesërmes.
Programi inTirana do të zhvillohet përgjatë 5 fazave.
Aplikimet do të hapen në Dhjetor dhe do të zgjasin 2 muaj. Çdo gjimnazist që ka një ide inovative dhe dëshiron të marrë pjesë në program mund të aplikojë në rrugë elektronike në faqen e internetit in.tirana.al. Aplikimet do të vlerësohen nga një juri profesioniste.
Aplikimet e përzgjedhura nga juria do të kualifikohen për fazën e mini-konkurseve. Shkollat e mesme publike të Tiranës do të ndahen në 11 grupe të përbëra nga 3-4 shkolla që do të konkurojnë mes tyre. Mini-konkurset do të zhvillohen në muajt Janar -Maj 2024.
Fituesit e mini-konkurseve do të bëhen pjesë e një programi mentorimi e inkubimi ku duke punuar me profesionistë të fushave të ndryshme do kenë mundësinë të përsosin idenë e tyre.
ERIND ALICKOLLI – Informatik Ekonomike/ Menaxher
ENID BALA – Organizator eventesh/Menaxhim
BENARDO GOGOLLARI – Drejtor Kreativ, Dizajn
BESI LONDO – Përgjegjëse e Përgatitjes së Fizibilitetit të Projekteve Rinore
IRDA HASANBASHAJ – Administrim, Menaxhim Klientesh
KLEA DAUTAJ -Marketing, Komunikacion, Kordinim eventesh
KLEVIS MIHO – Programues, zhvillues webi
ROVENA FLAMURAJ – Financiere
MIKEA KOSTI – Arkitekturë Peisazhi/ Dizajn. Specialiste kujdesit ndaj klientit
Pas mentorimit, fituesit e mini-konkurseve do të garojnë për çmimin e madh në konkursin startup. Në këtë konkurs, gjimnazistët do ndajnë skenën edhe me startup-e të konsoliduara.
Teknologjia dhe inovacioni prekin thuajse çdo aspekt të jetës e përditshmërisë tonë dhe mund të ofrojnë zgjidhje për probleme të shumta me të cilat përballet shoqëria.
Prandaj, ky program mirëpret ide inovative nga çdo fushë: një platformë për organizimin e komuniteteve, një aplikacion për reduktimin e ndotjes, teknologji që mbrojnë mjedisin, platforma që promovojnë artistët e rinj, aplikacione që ndihmojnë fermerët, zgjidhje inovative për trafikun e transportin, etj.
